धरान : सामाजिक सञ्जालको कन्टेन्टबाटै नेता बनेका बालेन शाहले कन्टेन्ट बनाउनै उनी सँग प्रश्न गर्दा सञ्चारकर्मीको मोबाइल फोन खोसेर भुईँमा कुल्चदैं हिँडेका छन् ।
उनी बुधवार वराहक्षेत्र स्थित खुवालुङ पुगेका बेला थुम्की अनलाइनका सञ्चारकर्मी नवीन राईको प्रश्नको जवाफ दिनुको सट्टा झर्किदैं मोबाइल फोन फ्याँकेर कुल्चिँदै हिँडेका हुन ।
सञ्चारकर्मी राईले कपुरी न्युजसँग भने, ‘खुवालुङ जाने क्रममा मैले बालेन शाहलाई प्रश्न सोध्दा उहाँ झोकिनु भयो, कुनै जवाफ नदिई मेरो मोबाइल फ्याँकी दिनुभयो र कुल्चिँदै हिँड्नु भयो ।’ उनका अनुसार कुल्चिदा मोबाइल चर्किएको छ, माइक पूर्ण रूपमा काम नलाग्ने भएको छ ।
यस घट्नाबाट बालेन सञ्चारकर्मीसँग सामना गर्न नसक्ने, नक्कली अल्गोरिदमबाट चर्चामा आएका रहेछन् भन्ने बुझिन्छ । सञ्चारकर्मी राईले भने ‘प्रधानमन्त्रीको दाबी गर्नेले प्रश्न सहन नसक्ने र आक्रोश देखाउने व्यवहार देखाए ।’
घटनापछि सामाजिक सञ्जालमा बालेन शाहको व्यवहारको तीव्र आलोचना भइरहेको छ । लोकतन्त्रमा प्रश्न गर्न अधिकारलार्य बालेनले कुल्चिएको अर्थमा सञ्चारकर्मी पत्रकारहरूले प्रतिक्रिया जनाएका छन् ।
बालनेको टोलीका वासिद अन्सारीले भने मोबाइल फ्याकेको होइन आफै झरेको बताए । उनले भने ‘बालेन शाहले क्यामेरा फुटाई दिएको हो भने म तपाईँको खुट्टै समाएर माफी माग्छु ।’
