धरान : प्रहरीले सोमवार धरान–१८ मा एक जना सहित झापा र मोरङबाट ७ जनालाई लागु औषध ब्राउनसुगर सहित पक्राउ गरेको कोशी प्रदेश प्रहरी कार्यालयले जनाएको छ ।
धरानमा इलाका प्रहरी कार्यालय धरानले धरान–१७ का भोला राईलाई ३४० मिलिग्राम ब्राउन सुगर सहित पक्राउ गरेको छ ।
जिल्ला प्रहरी कार्यालय झापा र लागू औषध नियन्त्रण ब्युरो काँकडभिट्टाको टोलीले कचनकवल–६ बाट भारत किसनगंजका युबेद राजालाई ६९ ग्राम ६०० मिलिग्राम ब्राउन सुगर सहित पक्राउ गरेको छ ।
यसै गरी वडा प्रहरी कार्यालय भद्रपुरले कचनकवल–४ का हेमन्त विश्वकर्मालाई ५ ग्राम १२० मिलिग्राम ब्राउन सुगर सहित पक्राउ गरेको छ ।
मोरङमा धनपालथान–३ र रंगेली–४ चोप्राहबाट इलाका प्रहरी कार्यालय रंगेली र लागू औषध नियन्त्रण ब्युरो विराटनगरको टोलीले रंगेली–१ का सुदिप भट्टराईलाई ३ ग्राम ब्राउन सुगर सहित पक्राउ गरेको छ ।
यसैगरी उर्लाबारी–४ का अभिषेक कार्की, बेलवारी–२ का नवीन निरौलालाई ७ ग्राम ४०० मिलिग्राम ब्राउन सुगर सहित पक्राउ गरिएको छ । सुन्दरहरैचा–७ का सुरज परियारलाई १३ ग्राम ८६० मिलिग्राम ब्राउन सुगर सहित पक्राउ गरिएको छ ।
