इटहरी :  सेन्ट्रल फर डेमोक्रेटिक इन्जिनियर्स नेपाल (सिडेन) कोशी प्रदेश अध्यक्षमा भरत कुमार न्यौपाने विजयी भएका छन् ।

शनिवार सम्पन्न निर्वाचनको अन्तिम मतपरिणाम अनुसार न्यौपाने १५० मत पाएर विजयी हुँदा प्रतिस्पर्धी महेश धितालले ८९ मत प्राप्त गरेका हुन् ।

धिताल प्यानलबाट पदाधिकारीमा सहसचिव सविन खड्का विजयी भए । खड्काले १३५ मत पाउँदा प्रतिस्पर्धी सुजित शर्माले ९७ मत मात्र पाए । उपाध्यक्षमा यस अगाडि नै राजु तामाङ सर्वसम्मत हुँदा सचिवमा सचिन्द्र कुमार यादव १२५ मत सहित विजयी भए ।

कोषाध्यक्षमा प्रतीक्षा कोइरालालाई हराउदै उज्ज्वल देव विजयी भए । १० सदस्यीय कार्यसमितिको सदस्यहरूमा जङ्ग बहादुर प्रसाद यादव, प्रभास गौतम, सिद्वार्थ कार्की, राहुल कुमार शर्मा, नन्दिनी चौधरी, कृष्ण कुमार मन्डल, रबिन प्रसाईं, देबेन्द्र कुमार रौनियार, दिलिप कुमार यादव र विवेक गुप्ताले चुनावी प्रतिस्पर्धामा विजयी हासिल गरेका हुन् ।

नेपाली काँग्रेसको शुभेच्छुक संस्था सिडेनको आठौँ केन्द्रीय समितिको अध्यक्षमा रबिभुषण झाले बाजि मारेका छन् । मधेश प्रदेशमा अध्यक्षमा राजकिशोर भिनवार, बाग्मतीमा सुजन भट्ट, गण्डकीको अध्यक्ष सिरस बास्तोला, लुम्बिनी प्रदेश अमित खनाल र कर्णालीमा आदित्य विक्रम शाह र सुदूरपश्चिमको अध्यक्षमा रोशन प्रसाद भट्ट निर्वाचित भएका हुन् ।