_1749430366.gif)
धरान : किरातेश्वर माविकी छात्रा विनीता लिम्बु बिपी कोइरालाको जीवनीका बारेमा आयोजित वक्तृत्वकला प्रतियोगितामा प्रथम भएकी छन् ।
आज मङ्गलवार नेपाली काँग्रेस धरान नगर समितिद्वारा ४३ औ बिपी स्मृति दिवसमा आयोजित प्रतियोगितामा उनी प्रथम भएकी हुन ।
काँग्रेसले यसपालि मावि तहका विद्यार्थीलाई बिपी कोइरालाको जीवनी, इतिहास बुझाउन देशभरका पालिका तहमा सामुदायिक विद्यालयहरू बिच वक्तृत्वकला प्रतियोगिता आयोजना गरेको हो ।
धरानमा भएको प्रतियोगितामा पब्लिक हाई स्कुल धरान–१२ की आयुषा पौडेलले दोस्रो स्थान प्राप्त गरिन् ।पब्लिक हाई स्कुलकै तमन्ना राई तेस्रो भइन् । पञ्चायत दन्तकाली माविकी दीपिका राई चौथो स्थानमा रहिन् ।
प्रतियोगीतका विजेताहरूलाई नगद पुरस्कार क्रमशः ५ हजार, ३ हजार, २ हजार सान्त्वना १ हजार सहित प्रमाणपत्र प्रदान गरियो ।
प्रतियोगितामा धरानका सामुदायिक स्कुलहरूबाट छनौट गरिएका १३ जना विद्यार्थी सहभागी थिए ।
प्रतियोगिताको विषय वर्तमान राष्ट्रिय राजनीतिमा बिपीका विचार र युवा विद्यार्थीको भूमिका तोकिएको थियो । निर्णयकहरु गोकुल श्रेष्ठ, डा. अस्मिता विष्ट र डा. महानन्द तिम्सिना थिए ।
प्रतियोगिताको नेपाली काँग्रेस सुनसरी सचिव माधव घिसिङको प्रमुख आतिथ्यमा भएको थियो ।
उनले युवा पुस्ता र विद्यार्थी बर्गलाई बिपी विचार र राजनीति बुझाउन पालिका तहमा काँग्रेसले वक्तृत्वकला प्रतियोगिता आयोजना गरेका बताए । सभापतित्व नगर सचिव हिमाल श्रेष्ठले गरेका थिए ।
