इटहरी : नेपाल पत्रकार महासङ्घ सुनसरीका पुर्व अध्यक्ष याम प्रधानको निधन भएको छ । बिहिवार बिहान ३ः३० बजे इटहरी स्थित निज निवासमा उनको निधन भएको हो ।

प्रेस स्वतन्त्र सेनानी समेत रहेका प्रधान रास्ट्रीय समाचार समितिमा लामो समयदेखि कार्यरत थिए । सुनसरी अग्रज पत्रकार उनी पत्रकारिताका गुरु समेत मानिन्थे । प्रधानको निधनले नेपाली पत्रकारिता इतिहासमा अपुरणीय क्षति भएको नेपाल पत्रकार महासंघ सुनसरीका अध्यक्ष अम्मर खड्काले बताए । प्रधान पछिल्लो पुस्तालाई नेतृत्व गर्ने सादगी पत्रकार रहेको खडाको भनाइ छ ।

उनको निधनमा नेपाल पत्रकार महासंघ, प्रेस यूनियन, प्रेस संगठन लगायतले दुःखद भन्दै सामाजिक संजाल मार्फत हार्दिक श्रद्धाञ्जली व्यक्त गरेका छन् । पत्रकार महासंघ सुनसरी शाखा दुःखको यस घडीमा शोक सन्तप्त परिवारजनप्रति गहिरो समवेदना प्रकट गरेको अध्यक्ष खड्काले बताए ।

प्रधानको बिहिवार बिहान ९ बजे गंगा जमुना मुक्ति घाटमा उनको दाहसंस्कार गरिएको छ । प्रधानका एक छोरी र एक श्रीमति छन् ।