धरान: आज शिवरात्री पर्वमा देशभरका शिवालयहरुमा भक्तजनहरुको घुँइचो छ । हिन्दु धर्मावलम्बीहरुको आराध्यदेव शिवको पुजाअर्चना गरी शिवरात्री मनाइदैछ ।

धरान १४ स्थित पिण्डेश्वर महादेवको मन्दिरमा पनि आज बिहानैदेखि भक्तजनहरुको घुँइचो छ । संयोगले आज सोमबार पनि परेको छ । सोमबार शिवको प्रियबार पनि मानिन्छ । शिवरात्रीकै अवसरमा ११ दिनदेखि आयोजना भइरहेको शिव महापुराणको पनि आज समापन गरिदैछ । शिवरात्रीको अवसरमा पिण्डेश्वर बाबाधाम समितिले आज हलुवा र मालपुवा प्रसादकोरुपमा भक्तजनहरुलाई निःशुल्क वितरण गरिरहेको छ ।

shivaratri6

मन्दिर परिसरमा आज ब्रतबन्ध गर्नेदेखि विवाह कार्य पनि भइरहेको छ । साधुहरु पनि धुनी जगाएर बसेका छन् । बाबाधाम समितिका उपाध्यक्ष राजेन लिम्बूका अनुसार आज करिब १० हजार भक्तजनहरुले पिण्डेश्वरमा पुजाअर्जना गर्ने अनुमान गरिएको छ । ‘छिमेकी मुलुकबाट पनि आज पिण्डेश्वरमा दर्शनको लागि भक्तजनहरु आइरहनु भएको छ,’उनले भने ।

shivaratri5 shivaratri-pindesworx shivaratri3 shivaratri-pindeswors shivaratri-pindesor shivaratri-pindesorr

shivaratri-pindesworr pindesworsd