वराहक्षेत्र : वराहक्षेत्र नगरपालिका क्रियाशील रहेका चक्रघट्टी जेसिजले महिला सशक्तीकरण तथा नेतृत्व क्षमता विषयमा अभिमुखीकरण कार्यक्रम आयोजना गरेको छ । मङ्गलवार चक्रघट्टी जेसिजले सप्तकोसी बहुमुखी क्याम्पसमा अध्ययनरत छात्रा विद्यार्थीहरूलाई उक्त महिला सशक्तीकरण तथा नेतृत्व क्षमता विषयमा अभिमुखीकरण कार्यक्रम आयोजना गरेको हो । अभिमुखीकरण कार्यक्रम ३६ जना छात्रा विद्यार्थीहरूको सहभागिता रहेको थियो।

क्याम्पसको सभा हलमा आयोजना भएको कार्यक्रममा नेपाल जेसिज क्षेत्र क तालिम संयोजक लक्ष्मी वराहको प्रमुख आतिथ्यता रहेको थियो । कार्यक्रममा क्याम्पस प्रमुख  सुशील कोइराला विशिष्ट अतिथि रहेका थिए । अभिमुखीकरणमा जीवन विज्ञानका प्रशिक्षक तारा गिरी, पूर्व राष्ट्रिय उपाध्यक्ष सुमित्रा भट्टराईले सहजीकरण गरेका थिए । चक्रघट्टी जेसिजका अध्यक्ष शरण कुमार लिम्बुको सभाध्यक्षतामा आयोजना भएको कार्यक्रममा शाखाका पूर्व अध्यक्षहरू,जुनियर जेसिजका पदाधिकारीहरूको आतिथ्यता रहेको थियो । महासचिव अर्जुन तामाङ (शिशिर) ले कार्यक्रम सञ्चालन गरेका थिए ।