इटहरी : कोशी प्रदेश सरकारले प्रदेश सभामा पेस गरेको सञ्चार विधेयकको विरोधमा पत्रकारले आन्दोलन गरेका छन् । कोशी प्रदेशसभा अगाडीको निषेधित क्षेत्रमा विरोध प्रदर्शन गर्दै विधेयक फिर्ता लिन माग गरेका हुन् ।
दर्शनका क्रममा प्रहरी र पत्रकार बिच ठेलमठेलको अवस्था आएको हो । पत्रकारले निषेधित क्षेत्र प्रवेश गरेको भन्दै प्रहरीले हस्तक्षेप गरेको थियो ।
संसदीय पत्रकार मञ्च कोशिका अध्यक्ष कुमार लुइँटेलका अनुसार पत्रकारको शान्तिपूर्ण आन्दोलनमा प्रहरीले दमन गरेको हो । धर्ना दिइरहेको अवस्थामा खेदाउन खोजेपछि अवस्था असामान्य बनेको उनको भनाइ छ ।
नेपाल पत्रकार महासङ्घ कोशी प्रदेशका अध्यक्ष भरत खड्का, महासचिव हेमा चेम्जोङ सहित अन्य सक्रिय पत्रकारहरूले आन्दोलनमा सहभागिता जनाएका छन् ।
विधेयक न्याय प्रशासन तथा विधायन समितिबाट पारित भएर शुक्रवार सभामा पेस भएको छ । विधेयकमा पत्रकारलाई एक लाख रुपैयाँसम्म दण्ड जरिबाना गर्ने प्रावधान राखेपछि पत्रकारले विरोध गरिरहेका छन् ।
