धरान: नेकपा एमाले धरान उपमहानगर कमिटीले पार्टीको धरान–१ स्थित कार्यालयमा भवन तोडफोड र आगजनी गर्नेहरूलाई कानुनी कारबाही गर्न माग गरेको छ ।
जेन–जी आन्दोलनको क्रममा गत: भदौ २४ गते एमाले पार्टी कार्यालयमा अराजक समूहले तोडफोड गरी आगजनी समेत गरेको थियो । नगर अध्यक्ष हर्क जङ्ग एभेङले सोमबार विज्ञप्ति जारी गर्दै विज्ञप्ति जारी गर्दे आगजनी, तोडफोड र अराजक गतिविधिमा संलग्न व्यक्तिहरूको पहिचान गरी कानुनी कारबाहीको माग गरेका हुन ।
संलग्नहरूलाई तत्काल पक्राउ गरी कानुनी कारबाही गर्न सम्बन्धित निकायलाई आग्रह गर्दै विज्ञप्तिमा उक्त घट्नामा मिल बान्तवा, दीपेन्द्र राई (कान्छी) र पत्रकार विमल शाक्य संलग्न रहेको पुष्टि भएको दाबी गरेका छन् । 
विज्ञप्तिमा भाटभटेनी र एमाले नेताहरूको घरमा आगजनी गरिएको घटनाको भर्त्सना गर्दै पीडितहरूलाई क्षतिपूर्ति दिलाउन सरकारसँग माग गरेको छ ।