धरान : प्रहरीले  झापाको भद्रपुर-१० का राजु कुमार राजवंशी, अर्जुनधारा-८ का सलुन रसाईली र बिर्तामोड-३का पारस प्रसाईलाई ९ ग्राम २३० मिलिग्राम ब्राउनसुगर सहित पक्राउ गरेको छ ।
कोशी प्रदेश प्रहरी कार्यालय विराटनगरले जनाए अनुसार उनीहरूलाई भद्रपुर-५ स्थित प्रहरी चोैकिको टोलीले पक्राउ गरेको हो ।
यसै गरी बिर्तामोड-४का रोहित शर्मा र दीपक श्रेष्ठलाई ६ ग्राम १७० मिलिग्राम ब्राउनसुगर सहित पक्राउ गरिएको छ ।
मेचीनगर-१० का गुलाम रसुल मियाँ ५०० मिलिग्राम ब्राउनसुगर पक्राउ परेका छन् ।भद्रपुर-५ का कन्चन राजवंशीलाई ५३० मिलिग्राम ब्राउन सुगर सहित पक्राउ गरिएको छ ।
प्रहरी चौकी जलथलले हाल्दिबारी ३का प्रतीक तामाङ र प्रीतम तामाङलाई २५० मिलिग्राम ब्राउनसुगर सहित पक्राउ गरेको छ । 
प्रहरी चौकी धरमपुरले शिवसताक्षी-१ का  सुदिप बिशुङ्खेलाई २१४ पिस प्रतिबन्धित औषधी सहित पक्राउ गरेको छ ।
विराटनगर-१५ इलाका प्रहरी कार्यालय रानीबाटको प्रहरी टोलीले बेलबारी ४ का मन कुमार राईलाई ५ ग्राम ८० मिलिग्राम ब्राउन सुगर सहित पक्राउ गरेको छ। 
सुनसरीको इनरुवा-४ अस्थायी प्रहरी चौकी बसपार्कले इनरुवा- ७ का श्रवण कुमार उरावलाई ५०० मिलिग्राम ब्राउन सुगर सहित पक्राउ गरेको छ ।
इलामको सूर्योदय-११ बाट विवेक राई र उदित राईलाई ११० मिलिग्राम ब्राउन सुगर सहित प्रहरीले पक्राउ गरेको छ ।