धरान : एसइई दिएर बसेका धरानका छात्र छात्राहरूको एम्स एसइई–४ किमी रन’ खुल्ला दौड प्रतियोगिता आउँदो शनिवार जेठ २६ हुने भएको छ ।
प्रतियोगिता एम्स क्रिएटिभ समूहको आयोजनामा हुन लागेको हो । समूहमा धरान-१२ स्थित एम्स एकेडेमीका विद्यार्थीहरू छन् ।
समूहले सोमबार आयोजित पत्रकार सम्मेलनमा ४ किलोमिटर दुरीको मिनी म्याराथुन दौडमा ४०० विद्यार्थी सहभागी हुने समूहका अध्यक्ष अङ्कित श्रेष्ठले बताए ।
प्रतियोगिताका विजेतालाई प्रथम पुरस्कार ५ हजार नगद ट्रफि र पूर्ण छात्रवृत्ति प्रदान गरिने छ । दोस्रो हुनेले नगद ३ हजार सहित ५० प्रतिशत छात्रवृत्ति प्राप्त गर्ने छन् ।
तेस्रो हुनेलाई १ हजार नगद सहित ३५ प्रतिशत छात्रवृत्ति र ट्रफी प्रदान गरिने कलेजका प्रिन्सिपल सन्तोष कोइरालाले जानकारी दिए । 
उनले प्रतियोगितामा सहभागी सबै विद्यार्थीलाई कक्षा ११ भर्ना शुल्कमा ५० प्रतिशत छुटको व्यवस्था रहेको बताएका छन् ।
प्रतियोगिताको रुट एम्स एकेडेमी देखि सुरु भई छाताचोक, भानुचोक, पुतलीलाईन, दुर्गा चोक ,कल्याण चोक हुँदै पानी ट्याङ्कीबाट पुन कलेज परिसरमा आएर सम्पन्न हुने छ ।