धरान : प्रहरीले मेचीनगर-६ का २३ वर्षीय संयोग चौधरी, २३ बर्षीया सुक माया राई र ३१ वर्षीय दिलीप लिम्बुलाई २ ग्राम ५३० मिलिग्राम ब्राउन सुगर सहित पक्राउ गरेको छ ।
यसै गरी मेचीनगर-७ का ५६ वर्षीय टिकाराम कोइरालालाई १७५ ग्राम ३१० मिलिग्राम गाँजा सहित पक्राउ गरेको छ । इलाका प्रहरी काँकडभिट्टाले पक्राउ गत: सोमवार पक्राउ गरेको उनीहरूको थप अनुसन्धान भइरहेको कोशी प्रदेश प्रहरी कार्यालय विराटनगरले जनाएको छ ।
यसै गरी सुनसरीको इनरुवा-४ बाट इटहरी-५ का ५३ वर्षीय विशाल माझी र २५ वर्षीय सचिन लिम्बुलाई २ ग्राम ३८ मिलिग्राम ब्राउन सुगर सहित पक्राउ गरेको छ । उनिहरुलई जिल्ला प्रहरी सुनसरी र अस्थायी प्रहरी पोस्ट बसपार्कको प्रहरी टोलीले पक्राउ गरेको हो ।
इलाका प्रहरी कार्यालय धरान र अस्थायी प्रहरी चौकी बरगाछीले धरान-५ बाट २४ वर्षीय आशिष राईलाई निषेधित औषधी ६३८ ट्याब्लेट र क्याप्सुल सहित पक्राउ गरेको छ ।
वराहक्षेत्र-११ बाट ५० वर्षीय मुस्ताक मिया र वराहक्षेत्र-६ का ४८ वर्षीय बल्ले भन्ने बलराम यादवलाई ७८ किलोग्राम गाँजा सहित पक्राउ गरिएको छ । उनीहरूलाई इलाका प्रहरी कार्यालय महेन्द्रनगर र प्रहरी चौकी मधु वनको प्रहरी टोलीले पक्राउ गरेको हो ।
