• लोकराज निरौला
गाउँ सहर बस्तीबाट
केटा केटीहरू हराए ।
घर, आँगन ,चौक र बस्तीहरू
सुन सान भए ।।

विद्यालयहरू बन्द भए 
विश्व विद्यालयहरू सुनसान भए ।
मनोरञ्जनका सिनेमा हलहरू बन्द भए
अस्पतालहरू सुनसान भए ।।

मन्दिर, गुम्बाहरू मस्जिद र चर्च रित्ता भए 
अनाथ आश्रमहरू खाली भए । 
वृद्धा आश्रमहरू रित्ता भए ।।

औपचारिक मानव शास्त्रीहरू घोत्लिए
औपचारिक समाज शास्त्रीहरू अलमलिए
राजनीतिज्ञहरू सोच मग्न भए
कथित पुरुष ज्योतिष, धर्मगुरुहरू रन्थनिए ।।

कुरा के रहेछ ?
कुरा एउटै रहेछ ’ 
सबै नारीहरूले बिस वर्षसम्म बच्चा नजन्माउने सल्लाह रहेछ 
यस्तो रहेछ नारी शक्ति !