_1749430366.gif)
धरान : कवि विमल गुरुङ पुस्तकालयले प्रदान गर्दै आएको २ लाख रुपैयाँको कृति पुरस्कार कवि चन्द्र गुरुङको कविता सङ्ग्रह ‘जब एउटा मान्छे हराउँछ’ र विजय बान्तवाको गद्य सङ्ग्रह ‘मित्याङसा’लाई संयुक्त रूपमा प्रदान गरिने घोषणा गरिएको छ ।
धरान-१८ स्थित पुस्तकालयमा शनिवार आयोजित पत्रकार सम्मेलनमा उक्त घोषणा गरिएको हो । पहिलो चरणमा चयन भएका २१ वटा कृति मध्ये उक्त दुई कृतिलाई पुरस्कारका लागि अन्तिम चयन गरिएको पुस्तकालयले जनाएको छ ।
पुरस्कृत कृतिकार कवि चन्द्र गुरुङ गोरखाका हुन । कवि विजय बान्तवा कैलाशी दार्जिलिङ मिरिकका (भारत)का हुन । कविद्वयको कृतिलाई संयुक्त रूपमा पुरस्कार प्रदान गरिने भएकोले पुरस्कार राशि २ लाख रुपैयाँ दुवैलाई १/१ लाख रूपमा प्रदान गरिनेछ ।
उक्त पुरस्कार कात्तिक १९ गते हुने ३२ औँ राष्ट्रिय कविता महोत्सव तथा कवि विमल गुरुङको ५२ औँ जन्मजयन्तीको अवसरमा सम्मानपत्र सहित प्रदान गरिने पुस्तकालयका अध्यक्ष तथा संस्थापक दिलबहादुर गुरुङले बताए ।
