इटहरी : १३ औँ संस्करणको इटहरी गोल्डकपमा दोस्रो क्वाटर फाइनल खेलमा आज ए डिभिजन क्लब चर्च ब्वाइज युनाइटेडले आयोजक टोली राष्ट्रिय जागृति क्लबको सामना गर्दैछ ।
प्रस्तावित क्षेत्रीय रङ्गशाला जारी प्रतियोगितामा चर्च ब्वाइज सुखद सुरुवातको लक्ष्यका साथ रहेको छ ।
ए डिभिजनमा पाँचौँ चरणमा सम्म आइपुग्दा ३ जित निकाल्दै तेस्रो स्थानमा रहेको टोलीका लागि लिगको तयारी खेल समेत हुनेछ इटहरी गोल्डकप ।
गत वर्ष ए डिभिजन लिगमा बढुवा भएको टोलीसँग नेपालमा नाम चलेको खेलाडीहरू छन् । गोलरक्षकमा रेम्बो कुमार चौधरी हुनेछन् । 
राष्ट्रिय टोलीका सदस्य एरिक बिष्ट हुनेछन् । आशिष् चापागाईँ, प्रशान्त लक्सम, सनम राई, साइमन लिम्बु, सुभाष गुरुङ, विकु राई लगायतका खेलाडीहरू टिममा रहेका छन् ।
टिमको मुख्य हतियार अञ्जन विष्ट र कप्तान अनन्त तामाङ इटहरी गोल्डकपमा हुने छैनन् । अञ्जन इन्जुरीका लागि करिब २ महिने रेष्टमा छन् ।
लिगमा प्रभावशाली प्रदर्शन गरे पनि चर्च ब्वाइजलाई घरेलु टोली विरुद्ध खेल सहज हुनेछैन् । विभिन्न ए डिभिजन लिगमा आबद्ध इटहरीका खेलाडीहरू मिश्रण गरेर आयोजकले टिम तयार गरेको छ । कब्बु राईको कप्तानीमा उत्रिने टोलीसँग मनाङ मस्र्याङदीबाट व्यावसायिक फुटबल खेल्ने प्रवेश दनुवार, वीरगन्ज युनाइटेडबाट खेल्ने उमेश कार्की, मनिष भण्डारी, सातदोबाटोका उमेश राई, थ्रीस्टारका सञ्जय श्रेष्ठ जस्ता पूर्वको फुटबलका अनुभवी खेलाडीहरू इटहरीसँग उपलब्ध हुनेछन् ।