चतरा : आर्थिक रूपले अति विपन्न परिवारलाई स्वास्थ्यको पहुँचमा ल्याउने उद्देश्यले वराहक्षेत्र नगरपालिकाले अति विपन्न ११ सय परिवारको स्वास्थ्य बिमा गरिदिने भएको छ।
आर्थिक वर्ष २०७९/०८० को वार्षिक स्वीकृत कार्यक्रम अनुसार नगरपालिकाले प्रत्येक वडाहरूबाट १/१ सय परिवारको स्वास्थ्य बिमा गर्नेछ। नगरपालिका प्रमुख प्रशासकीय अधिकृत ऋद्धिप्रकाश सिटौलाका अनुसार पुष २० गते बैठक बसेर वडाहरू नाम पठाउन पत्राचार समेत गरी सकिएको छ ।
नगरपालिका भित्र स्थायी बसोबास गरिराखेका अति विपन्न परिवारका लागि स्वास्थ्य बिमा कार्यक्रम मार्फत स्वास्थ्यको पहुँचमा ल्याउन खोजिएको नगर प्रमुख रमेश कार्कीले बताए । 
टोल टोलमा रहेका अति विपन्न परिवारको नाम वडा कार्यालयले पुष महिना भित्र नगरपालिका पठाउने र स्वास्थ्य बिमा गर्ने प्रक्रिया अगाडि पढ्ने स्वास्थ्य शाखाका जनस्वास्थ्य निरीक्षक उमेश मेहताले बताए ।
स्वास्थ्य बिमा कार्यक्रमलाई प्रभावित र विवाद रहित बनाउन वास्तविक अति विपन्न परिवारको नाम मात्र पढाउन नगर प्रमुख कार्कीले वडा कार्यालयलाई आग्रह गरेका छन् ।