धरान : धरान १३ जिरोप्वाईन्टमा आज आइतबार भएको स्कुल बस  दुर्घटनामा घटनास्थलमै ५ जनाको मृत्यु भएको छ । ११ जना घाइते भएका छन् ।
भेडेटारबाट धरान आउँदै गरेको को १ ख ७११९ नम्बरको स्कुल बस जिरोप्वाइन्ट नजिक औषधि पसलमा ठक्कर दिँदै दुर्घटनाग्रस्त भएको हो । 
प्रहरी अनुसार दुर्घटनामा घटनास्थलमै मृत्यु हुनेहरूमा महोत्तरी(८ गैडाबिदपुरका स्कुल सञ्चालक ३१ वर्षीय धैरिया कुमार यादव, जनकपुर घर भएका १८ महिनाका रियव कुमार मण्डल छन् । अन्य ३ जनाको नाम खुलेको छैन ।
बसमा सवार ११ जना घाइते भएका छन् । घाइतेहरूमा धरान १३ का ४३ वर्षीय यसोदा श्रेष्ठ, जनकपुर घर भएका २३ वर्षीय लक्ष्मी मण्डल, १८ वर्षीय राजा बाबु, २४ वर्षीय रोहित मण्डल, ४० वर्षिया मनिता देवी मण्डल छन् ।
यस्तै ३८ वर्षीय जितेन्द्र मण्डल, ४० वर्षीय सुनेना देवी मण्डल, १८ वर्षीय रोहन मण्डल, २५ वर्षिया रिता मण्डल, ३८ वर्षीय जितेन्द्र मण्डल र बस चालक २५ वर्षीय मोहम्मद गुलाल रहेका छन् । १ जनाको नाम खुलेको छैन ।
घाइतेहरूको बिपी स्वास्थ्य विज्ञान प्रतिष्ठानमा उपचार भइरहेको डिएसपी भीषण बाबु राईले बताए । दुर्घटनामा बसले जिरो प्वाइन्टमा रहेको औषधि पसल ‘न्यु शबा मेडिकल’मा ठक्कर दिँदा पसल समेत क्षतिग्रस्त भएको छ । एक स्कुटर पूर्ण रूपमा क्षतिग्रस्त भएको प्रहरीले जनाएको छ ।