धरान : वीपी कोइराला स्वास्थ्य विज्ञान प्रतिष्ठानले स्वास्थ्य बिमामा आबद्ध सेवाग्राहीहरूका लागि बीमा बोर्डको पत्र अनुसार २०८२ साउन १ देखि असोज मसान्तसम्म प्रतिष्ठानले प्रथम सेवा विन्दुका रूपमा समेत सेवा दिने सार्वजनिक जानकारी गराएको छ ।
प्रतिष्ठानका सह प्रवक्ता डा.अभिजीत कुमारले आज बुधवार साँझ प्रेस विज्ञप्ति जारी गर्दै उक्त जानकारी गराएका हुन । विज्ञप्तिमा बीमा बोर्डको पत्र सहित प्राप्त निर्देशन अनुसार प्रतिष्ठानले ३ महिना स्वास्थ्य बिमामा सहभागीहरूलाई प्रथम सेवा विन्दुका रूपमा समेत सेवा दिने भएको उल्लेख छ । त्यसपछि के हुन्छ भन्ने कुरा भने विज्ञप्तिमा उल्लेख छैन ।
विज्ञप्तिमा भनिएको छ ‘२०८२ श्रावण १ गते देखि यो प्रतिष्ठान रेफरल सेन्टरको रूपमा मात्र नभई प्रथम सेवा विन्दुको रूपमा समेत कायम गरिएको बीमा बोर्डको पत्र प्राप्त भएको हुँदा २०८२ श्रावण १ गतेदेखि असोज मसान्तसम्म प्रतिष्ठानले प्रथम सेवा विन्दुका रूपमा समेत सेवा दिन निर्देशन भई आएको ब्यहोरा सम्पूर्ण जनमानसमा सहर्ष जानकारी गराउँदछौ ।’