इटहरी : मोरङ क्षेत्र नम्बर ६ मा नेपाली काँग्रेसका डाक्टर डाक्टर शेखर कोइराला विजयी भएका छन् । एमाले उम्मेदवार लालबाबु पण्डितलाई १२ हजार २८४ सय मतान्तरले पराजित गर्दै डा.कोइराला प्रतिनिधिसभा सदस्यमा निर्वाचित भएका हुन । 

कोइरालाले ३५ हजार २१३ मत प्राप्त गर्दा पण्डितले २२ हजार ९२९ मत ल्याए । सुरुवात देखिनै अग्रता कायम गरेका कोइराला यसअघि उनै पण्डित सँग ६७५ मतले पराजित भएका थिए । 
सम्पत्ति हुँदाहुँदै पनि पण्डितले निर्वाचनको समयमा गरिब भएको र साइकल चढ्ने बताएका थिए । उनले जनतालाई झुटो कुरा बोलेको भन्दै आक्रोश पोखेका छन् । 
यसबिचमा नेकपा एमालेको विभाजनले समेत पण्डित समस्यामा परे । कोइरालाले यसबिचमा राष्ट्रिय राजनीतिमा बढाएको प्रभाव र गठबन्धन सहित काँग्रेसको एकताले फराकिलो मतान्तर बनाएका हुन् । कोइराला सोही क्षेत्र बाट पहिलो संविधानसभाको उपनिर्वाचन र दोस्रो संविधानसभामा विजयी भएका हुन् । 
काँग्रेसको १४ औँ महाधिवेशनमा सभापतिमा पराजित भए पनि उनको प्रभाव बढेको छ ।