धरान : सुनसरी जिल्ला अन्तर विद्यालय ‘सुनाखरी कप फुटबल’को पहिलो सेमिफाइनल खेलमा सुनाखरी रेडले सैनिक आवासीय स्कुललाई ३–० को अन्तरले हराउँदै शानदार जित हात पार्दे फाइनल यात्रा सुनिश्चित गरेको छ।

आईतबार एन्फामा जारी खेलको पहिलो हाफको २४औँ मिनेटमा सुनाखरी रेडका जर्सी नम्बर ९ आदेश पोद्दारले १ गोल गर्दै टिमलाई अग्रता दिलाए। सैनिक आवासीय स्कुलले बलियो प्रतिरोध र निरन्तर प्रयास गरे पनि पहिलो हाफमा बराबरी गोल फर्काउन सकेन।

   दोस्रो हाफमा सुनाखरी रेड अझ आक्रामक बनेर उत्रियो। हाफको सुरुवाती ५ मिनेटमै जर्सी नम्बर १० श्रीहाङ लिम्बुले १ गोल गरे १९औँ मिनेटमा जर्सी नम्बर २६ प्रज्वल तामाङले अर्को १ गोल गरेको  थियो । खेलको अन्तिम समयसम्म सैनिक आवासीय स्कुलले उत्कृष्ट खेल प्रदर्शन गरे पनि गोल गर्न असफल भयो।

खेलको ‘म्यान अफ द म्याच’ सुनाखरी रेडका आदेश पोद्दार घोषित भए। पोद्धारले १ हजार सहित ट्रफी प्राप्त गरे।

 प्रतियोगिता सोमबार हुने सेमिफाइनल खेल नेपाल पुलिस स्कुल र ज्वालामुखी माध्यमिक विद्यालय बीच हुने आयोजकले जनाएको छ। मङ्सिर १७ गतेसम्म सञ्चालन हुने प्रतियोगिताको विजेताले नगद ५० हजार र उपविजेताले २५ हजार पुरस्कार पाउनेछन् ।सेमिफाइनलमा पुग्ने दुई टोलीलाई जनही ५र५ हजार रुपैयाँ प्रदान गरिने आयोजकले जनाएको छ।

उत्कृष्ट खेलाडी, उत्कृष्ट गोलकिपर, उत्कृष्ट फरवार्ड, उत्कृष्ट डिफेन्डर, उच्च गोलकर्ता र अनुशासित टिमलाई पनि विशेष पुरस्कार प्रदान गरिनेछ ।