धरान : प्रहरीले प्रभु बैङ्क प्रधान कार्यालय काठमाण्डौबाट उच्च अधिकारीहरूलाई आज आइतबार नेपाल प्रहरीको केन्द्रीय अनुसन्धान ब्युरो सीआईबीको टोलीले पक्राउ गरेको छ ।

पक्राउ गरिएका उच्च अधिकारीहरूमा प्रमुख कार्यकारी अधिकृत अशोक शेरचन, नायव प्रमुख कार्यकारी अधिकृत मणिराम पोखरेल, बैकका कर्जा अधिकृत रिवास श्रेष्ठ छन् ।

उनीहरूलाई आवश्यक सोधपुछका लागि पक्राउ गरिएको सीआईबीका प्रवक्ता तथा प्रहरी वरिष्ठ उपरीक्षक शिव कुमार श्रेष्ठले पुष्टि गरेको ‘अर्थ सरोकार’ अनलाइन उल्लेख गरेको छ ।

नायव प्रमुख कार्यकारी अधिकृत पोखरेललाई ऋणको फाइलमा कमिसन खाएको आरोप लागेको थियो । पक्राउको कारण प्रहरीले सार्वजनिक गरेको छैन ।