_1749430366.gif)
धरान : जेनजी आन्दोलनको क्रममा ज्यान गुमाएको घट्नाप्रति गहिरो दुःख प्रकट गर्दै नेपाली काँग्रेसले श्रद्धाञ्जली अर्पण गरेको छ ।
सरकारद्वारा आन्दोलनमा ज्यान गुमाएकाहरूप्रति शोक प्रकट गर्न घोषित आज बुधवार शोक दिवसको दिन नेपाली काँग्रेस सुनसरी-१ क्षेत्रीय समिति सभापति सुजेन्द्र तामाङले विज्ञप्ति प्रकाशित गरी शोक प्रकट गरेका हुन ।
आन्दोलनको क्रममा देशभर ७२ जनाको मृत्यु भएको थियो । त्यस मध्ये धरानको भाटभटेनीमा भएको आगजनीमा परेर ४ जनाको ज्यान गएको उल्लेख गर्दै विज्ञप्तिमा त्यसै क्रममा भएका लुटपाट र आगजनी जस्ता निन्दनीय क्रूर हिंसात्मक घट्नामा संलग्नहरूलाई कडा भन्दा कडा कारवादी गर्न माग गरिएको छ।
विज्ञप्तिमा जेनजी पुस्ताले देश निर्माणमा चासो र नेतृत्वदायी सहभागी, सुशासन र वाक स्वतन्त्रताको लागि देशव्यापी बिगुल फुकेर राजनीतिक चेतना देखाएकोप्रति सम्मान र ऐक्यबद्धता प्रकट गरिएको छ ।
अब पार्टी नेतृत्वले अझ बढी गम्भीर र संवेदनशील भएर दोस्रो पुस्तालाई सहज रूपमा पार्टी र देशको नेतृत्व हस्तान्तरण गर्न समेत जोडदार माग गर्दछु भनी विज्ञप्तिमा उल्लेख गरिएको छ ।
