धरान : एसइई परिक्षा दिएर बसेका विद्यार्थीहरूका बिच आयोजना गरिएको एसइई स्पिकर प्रतियोगीताको सेमिफाइनलमा १४ जना प्रवेश गरेका छन् । पहिलो चरणको अडिसनबाट छनौट भएका १८ जना मध्ये ४ जना बाहिरीएका हुन् ।
सेमीफाइनलका लागि बिहीबार भएको दोस्रो चरणको प्रतियोगिताबाट १४ जना छनौंट भएको आयोजक रेडिकल लाइट प्रालिले जनाएको छ । स्पिकरको बिजेताले २० हजार रुपैयाँ नगद, प्लस टु अध्ययनका लागि पूर्ण छात्रवृत्ति प्राप्त गर्नेछ ।
फष्ट रनर अपले १५ हजार रुपैयाँ नगद, प्लस टु अध्ययनका लागि ६० प्रतिशत छात्रवृत्ति प्राप्त गर्नेछ भने  सेकेण्ड रनर  अपले १० हजार रुपैयाँ नगद  र प्लस टु अध्ययनका लागि ५० प्रतिशत छात्रवृत्ति प्राप्त गर्नेछ। त्यस्तै सान्त्वना स्थान ल्याउनेले ५ हजार रुपैयाँ नगद र प्लस टु अध्ययनका लागि ४० प्रतिशत छात्रवृत्ति प्राप्त गर्ने आयोजकले जनाएको छ ।
दोस्रो चरणको प्रतियोगीतामा सुनाखरी एकेडेमीका प्रीन्सिपल मिलन राई, इलाका प्रहरी कार्यालय धरानका प्रहरी निरिक्षक सागर श्रेष्ठ, नेसनल एकेडेमीका प्रीन्सिपल श्रीसिसा राई, हिबिस्कस इङ्लिस बोर्डिङका निर्देशक गङ्गाराम कुलुङ, भाईसप्रीन्सिपल बिजय सिंह थेबे, अमर सेवा समाजका अध्यक्ष भूमि लिम्बु र समाजका सचिव गोपाल श्रेष्ठको उपस्थिति थियो ।